… lětsa w čerstwej, swětłozelenej barbje!
W nim pisataj prof. dr. Meyer a prof. dr. Imhof z uniwersity w Mainzu wo tym, kak hodźa so pohłubšene wuknjenske procesy za wučbu přihotować a wuhotować.
Wědomostna sobudźěłaćerka RCW Jadwiga Kaulfürstowa zhladuje na 20 lětne wuwiće modeloweho projekta Witaj a pokazuje na rozdźěle w jeho zwoprawdźenju w dźěćacych dnjowych přebywanišćach Hornjeje a Delnjeje Łužicy.
Předsydka SŠT Ludmila Budarjowa rozprawja wo lońšej dźěławosći Serbskeho šulskeho towarstwa.
Předstajamy Wam nowu wučbnicu delnjoserbskeje gramatiki, hračko za zakładnu šulu a podawamy Wam zaso někotre wubrane kopěrowanske předłohi za wučbu.
