Stipendije za měsačny intensiwny kurs čěšćiny w Čěskej
Čěske knježerstwo » přewostaja mj. dr. zajimowanym Serbam (wot 18 lět) stipendije za wobdźělenje na intensiwnym rěčnym kursu w Čěskej. Rěčny centrum WITAJ w Budyšinje přidźělenje stipendijow organizuje.
K dispoziciji steja stipendije za kursaj
- wot 17.07. do 14.08.2025 na Karlowej uniwersiće w Praze »
- wot 03.08. do 25.08.2025 na Juhočěskej uniwersiće w Českich Budějovicach »
Maće-li na kursu zajim, wotedajće wupjelnjeny přizjewjenski formular » hač do 23.03.2025 Rěčnemu centrumej WITAJ. Nimo toho připołožće krótki žiwjenjoběh (čěsce abo jendźelsce) a krótku argumentaciju (serbsce), čehodla so wo stipendij požadaće. Ličba stipendijow je wobmjezowana.
Přizjewjenje: telefon 03591 550400 | e-mejlka: sekretariat@witaj.domowina.de
Wječorne kursy čěšćiny
Přizjewjenje: telefon 03591 550408 | e-mejlka: sprachkurse@witaj.domowina.de
Wotwisnje wot přizjewjenjow hodźitej so čas a městnosć kursow přećam wobdźělnikow přiměrić.