Witaj – ein Geschenk für Ihr Kind

Za staršich, kotřiž chcedźa swoje  dźěćo w dźěćacym dnjowym přebywanišću serbsce kubłać dać. Principije imersiwneho kubłanja po koncepciji WITAJ so předstaja a dóstanjeće namjety, kak móžeće Waše dźěćo při wuknjenju serbšćiny podpěrać.

Předskok z dwěmaj rěčomaj. Pokiwy – wotmołwy – nazhonjenja.

(K dwurěčnemu kubłanju w swójbje)

Adresat tuteje serbskorěčneje brošurki su serbske swójby kaž tež serbske maćerje a serbscy nanojo w němsko-serbskorěčnym partnerstwje. W brošurce so wopisuje, kak so serbska rěč dźěćom w serbsce dominowacej swójbje najwěsćišo posrědkuje, bjez toho, zo so wuwiće němskorěčnych kmanosćow haći.

Hladajo na to zo někotryžkuli Serb w rěčnje měšanym partnerstwje radšo ze swojim dźěsćom serbsce njerěči, zo njeby němskeho partnera wuzamknył, pokaza brošurka móžnosće, kak móže serbšćina swoje krute městno w žiwjenju swójby namakać. Jedyn kapitl je ewaluaciji dwurěčneho kubłanja w serbskich pěstowarnjach wěnowany. Serbskorěčna brošurka wobsahuje nimo toho citaty a komentary wědomostnikow k temje dwurěčnosć w němskej rěči. Na tutym zakładźe móžetaj serbski a němski partner do rozmołwy k tutej temje přińć.