Přeprošujemy na zjawne zarjadowanje „Serbšćina w digitalnych programach – soblexx, sotra, bamborak a Microsoft“
štwórtk, 11. apryla 2024, wot 18 do 21 hodź.,
do Benoweje žurle Jakubecoweho wustawa w Kulowje, Budyska dróha 30.
Předstajimy Wam serbšćinu w digitalnych programach kaž tež jich wužiwanje we wšědnym dnju a při dźěle. W slědowacej dźěłarničce maće móžnosć,
- teksty do serbšćiny přełožić,
- jednorje dwurěčnje formulować, na přikł. staršiske listy, přeprošenja a plakaty,
- pomoc ekspertow dóstać.
Zarjadowanju móžeće w livestreamje sćěhować.
Někotre laptopy steja k dispoziciji. Štóž sej swójski nastroj (šmóratko, laptop) sobu přinjese, móže jón w dźěłarničce wužiwać.
Tutorial k nastajenju hornjoserbskeje rěče, tastatury a prawopisneje kontrole za iOS, Windows a Android namakaće pod sćěhowacym linkom.
Wjeselimy so na Waš zajim, zhromadne wupruwowanje programow a na čiłu wuměnu. Přikusk so poskići.
dr. Beata Brězanowa, nawodnica Rěčneho centruma WITAJ
Daniel Zoba, społnomócnjeny za digitalizaciju w Załožbje za serbski lud
Korla Baier, wuwiwar bamboraka
Sotra-team: Anita Hendrichowa, Marko Měškank, Olaf Langner, Bernhard Baier, dr. Marion Kremer, Kryštof Peršín a Julian Nyča
