Přiručka za wšitkich, kotřiž chcedźa sej serbsku rěč w šuli abo zwonkašulsce přiswojić.
awtoraj dr. Helmut Jenč a Horst Petrik
Słownik wobsahuje 23.000 němskich hesłow z powšitkownje wužiwaneho słowoskłada němskeje spisowneje rěče kaž tež na wučbu so poćahowacu fachowu terminologiju. Wužiwar namaka tu powšitkownje najčasćišo wužiwane serbske přełožowanske móžnosće. Často zwobraznjeja přikłady nałožowanja jich korektne wužiwanje:
Glück – zbožo
- unverschämtes Glück haben – měć koče zbožo
- etwas auf gut Glück versuchen – něšto na dobre/slepe zbožo spytać
- mehr Glück als Verstand haben – měć wjace zboža hač rozuma
- zum Glück hat sich niemand verletzt – na zbožo njeje so nichtó zranił
- Glück bringend – zbožonošny
- ein Glück bringendes Amulett – zbožonošny amulet
- ein Glück – jenož derje
- ein Glück, dass du beizeiten gekommen bist – jenož derje, zo sy sčasom přišoł
- Bergmannsgruß Glück auf! – Wam k zbožu!
Słownikej dodaty gramatiski dźěl z deklinaciskimi a konjugaciskimi mustrami bazuja na šulskej gramatice „Gramatika. Tabulki a přehlady za wučbu serbšćiny“ (LND 2019).
Prezentacija słownika wotměje so srjedu, 11.11.2026, 15 hodź. na žurli Serbskeho domu.
Słownik je za 20,00 € w Smolerjec kniharni na předań, hodźi pak so tež w Ludowym nakładnistwje Domowina skazać.
