Za šulerjow zakładnych šulow je wušła nowa hra „Memo ptački“. Memo zmóžnja dźěćom, na hrajne wašnje wobrazowe poriki domjacych ptačkow wotkryć a jich serbske kaž tež němske pomjenowanje zeznać. Runočasnje spěchuje hra koncentraciju a zaznawanje a rozšěrja słowoskład. Hra wobsahuje 24 wobrazowych porikow z domjacymi ptačkami kaž tež ptačkowy poster z hrajnym nawodom a dalšimi hrajnymi idejemi k pytanju, přirjadowanju a powědanju.
„Memo ptački“, skazanske čisło 0/191/26-1A, je za 12,00 € w Smolerjec kniharni w Budyšinje na předań. Móžeće sej hru pak tež w Ludowym nakładnistwje Domowina skazać.
