Kaž kóžde lěto wozjewimy w decemberskim wudaću zaso dlěšu dźěćacu stawiznu: Mały Leon přićehnje ze swojej swójbu z wulkeho města na wjes. W nowej pěstowarni je wšitko hinak a spočatnje so Leonej tam docyła chodźić njecha. Ale poněčim namaka nowych přećelow a jemu so w nowej pěstowarni dźeń a lěpje lubi. Jednoho dnja potom słyši kubłarki wo ptačim kwasu šukotać. Štó drje budźe lětsa braška?
Nimo stawiznički čaka na dźeći paslenka za mału knižku “Ptači kwas” a morawski ludowy spěw „Worješkowa pěseń“, kotruž je Lubina Hajduk-Veljkovićowa do hornjoserbšćiny přełožiła.
Žohnowane hody a strowe nowe lěto 2021 přeje redaktorka Lutkow.
