Ruudi

Ruudi je 8-lětny hólčec, kotryž bydli ze swojej maćerju na estiskej kupje. Wón zajimuje so jara za Wikingow a soni wo tym, směć jónu na prawej wikingskej łódźi po morju jěć. To pak smědźa dźěći jenož, jeli je tež jich nan přitomny. Ale nana Ruudi žanoho nima. Tuž wupisa „Wubědźowanje wo papu“. Myto ma być wón sam, jeho mać a schowany pokład Wikingow. Třo kandidaća so do lisćiny zapisaja …
Fantazije a sony małeho hólčeca, zaplećene do zdźěla skurilneho wšědneho dnja na kupje, krasna přiroda a zašmjatane dožiwjenja wokoło wubědźowanja wučinja kuzło filma, kotryž dósta na Mjezynarodnym dźěćacym festiwalu „Schlingel“ 2006 myto publikuma.