W zhromadnym dźěle z koordinatorkami serbskich zakładnych šulow je wušła materialowa zběrka za wučerki a wučerjow k započatkej 1. šulskeho lěta. W prěnimaj tydźenjomaj přewjedźe so tak mjenowana zeznawanska dźěłarnička. W nowym rjadowaku nadeńdźe wučer/ka wulki wuběr dźěłowych łopjenow a dźěłowy material, kotryž móže mnohostronsce zasadźić a wužiwać, zo by móhł/a aktualny staw wědy kóždeho dźěsća zwěsćić. Zběrka wobsahuje wšelake wuwićowe wobłuki: drobna motorika, optiske diferencowanje, zaznaće, spóznaće mnóstwa, rěč, koncentracija atd.
Rjadowak steji tež k downloadej pod materialien.sorbischlernen.de k dispoziciji.
