Skerje připadnje hač planowane wuńdźe na Mjezynarodnym dnju dźěsća nowa wučbnica za předmjet serbšćina za 6. lětnik serbskich wyšich šulow a Serbskeho gymnazija “Maćeršćina 6”. Kniha je so sylnje wot awtorkow a lektorkow předźěłała, teksty, ilustracije a fota su so wuměnili resp. aktualizowali. Pomjatne kašćiki a gramatiske pojednanja su so nowej šulskej gramatice” (Tabulki a přehlady za wučbu serbšćiny) přiměrili. Přehlad časowych formow kaž tež nazorne wabjenje za mnohostronske wužiwanje digitalneho słownika soblex stej so dodałoj. Po wuhotowanju je so maćeršćina wonej za pjaty lětnik připodobniła. Pod skazanskim čisłom 6/95/22-1A hodźi so wučbnica w Smolerjec kniharni skazać. Kniha ma wobjim 196 stronow a płaći 17,90 €.
Přejemy wšitkim, kotřiž sej z Maćeršćinu 6 našu maćeršćinu dale a lěpje přiswojeja, wjele wjesela a wuspěcha!
