Čěske knježerstwo » přewostaja zajimowanym Serbam (wot 18 lět) stipendije za wobdźělenje na intensiwnym rěčnym kursu w Čěskej. Rěčny centrum WITAJ w Budyšinje přidźělenje stipendijow organizuje.
K dispoziciji steja stipendije za kursaj
- wot 22.07. do 19.08.2022 na Karlowej uniwersiće w Praze »
- wot 14.08. do 05.09.2022 na Juhočěskej uniwersiće w Českich Budějovicach »
Maće-li na kursu zajim, wotedajće wupjelnjeny přizjewjenski formular » hač do 15.03.2022 Rěčnemu centrumej WITAJ. Nimo toho připołožće krótki žiwjenjoběh (čěsce abo jendźelsce), kopiju swojeho wupokaza kaž tež krótku argumentaciju (serbsce), čehodla so wo stipendij požadaće. Ličba stipendijow je wobmjezowana.
Maće-li prašenja, wobroćće so na nas pod 03591 550400.
