Jako wudospołnjacy material za předmjet serbšćina w zakładnej šuli je wušoł Čitanski dźenik k dźěćacej knize Haperlejka. Nadźěłałoj staj dźenik wučerjej Sabina Salowscyna a Štefan Paška. Dźenik wobsahuje lóštne nadawki a zwučowanja k dźěćacej knize Haperlejka wot Beaty Nastickec. Z pomocu dźenika wotkryja sej šulerjo wobsah knihi, spóznaja a wupytaja wažne informacije a formuluja swójske hódnoćenje. Dźenik njech je wučerjej wažna pomoc we wučbje při spěchowanju čitanskeje kompetency.
Čitanski dźenik móže so w Rěčnym centrumje WITAJ w Budyšinje jako rjadowniska sadźba skazać.
