Za stawiznisku wučbu we wyšej šuli předleži nětko za 9. lětnik koncipowana wučbnica “Pućowanje po stawiznach 5”. Z njej wjedźe so loni zahajene wudaće licency rjadu “Zeitreise” nakładnistwa Klett dale. Znowa stej Rejzka Šěnowa a Lubina Hajduk-Veljkovićowa wučbnicu swědomiće přełožiłoj.
Wučbnicu dóstanjeće za 19,25 € w Smolerjec kniharni abo přez online-shop Ludoweho nakładnistwa Domowina.
