W LND je wušoł 2. nakład wučbnicy za hudźbu 3. a 4. lětnika „Wjeseli hercy 3/4“. Po dźesać lětach bě kniha rozebrana a trěbny bě kritiski posudk, zo bychmy wědźeli, hač stej wobsah a spřistupnjenje we wučbnicy hišće načasnej. Młoda wučerka za hudźbu tuž wučbnicu posudźowaše a wobkrući, zo je wučbnica wuběrnje zestajena a genialnje přemyslena. Ničo rjeńšeho sej awtorce wučbnicy, Leńka Thomasowa a Gabriela Bajtlowa njebyštej móhłoj přeć.
Dokelž so dźensa na zakładnych šulach w hudźbje často tež ze zynkorołkami (němsce su to Boomwhacker) dźěła, smy štyrjom spěwam dodali nimo jich notacije tež znamješka za wužiwanje tutych zynkorołkow jako dalši móžny instrument za přewod spěwa. Dale smy přiwzali serbsku hymnu Europeady „Bala bala bala, tak spěwa Łužica“ z pjera Bjarnata Cyža. Komponist je Benedetto Vigne, Retoromana.
Přejemy nowonakładowanej wučbnicy kopicu wjesołych hercow-šulerjow a mnohich z wjeselom hudźbu wuwučowacych wučerjow.
Nowe skazanske čisło je 3/91/18-2A.
