Nowy plakat NAŠ ČASNIK (2.dźěl) móža sej zakładne šule nětko w Ludowym nakładnistwje Domowina skazać. Na nim su zwobraznjene časniki, kiž wupokazuja štwórć hodźiny, poł hodźiny, třištwórć hodźiny a połnu hodźinu. K tomu je stajnje připisane, kak hodźi so wotpowědny čas w hodźinach resp. mjeńšinach prawje serbsce tworić a prajić. Na prawym boku plakata su wšě pomjenowanja časa jednoho dnja – stajnje po štwórć hodźinach rozrjadowane – po rynku podate a tohorunja posłownje k sobučitanju napisane.
Nowy plakat naslěduje prěni plakat NAŠ ČASNIK, kiž wobsahuje pomjenowanja za połne hodźiny. Wobaj plakataj buštej w pedagogiskim wotrjedźe Rěčneho centruma WITAJ koncipowanej a zestajenej. Plakat dóstanjeće za 5,00 € w Smolerjec kniharni w Budyšinje.
