„Warić z Tomašom“ je hižo někotre lěta woblubowana rubrika w Płomjenju. A runje tak woblubowane je wubědźowanje wo warjenski kurs w Budyskim Wjelbiku, serbskim hosćencu, w kotrymž je Tomaš Lukaš šefkuchar. Tež za kurs, kotryž wotmě so 16. apryla 2018, je so zaso tójšto čitarkow a čitarjow Płomjenja přizjewiło. Dobyć pak móža přeco jenož štyrjo. Kóždy dobyćer pak smě sej hišće dalšeho pomocnika-kucharja sobu přinjesć. Tuž přijědźechu mjez druhim z Worklec, Chrósćic, Radworja a Wojerec dobyćerjo do Budyšina a warichu pod nawodom šefkucharja słódny meni.
There is no gallery selected or the gallery was deleted.
