Dnja 21. oktobra 2017 wotmě so w Chrósćicach 2. fachowy dźeń 2plus z něhdźe 150 wobdźělnikami.
Hłowny přednošk měješe prof. Oliver Meyer, profesor za jendźelsku didaktiku na Johannesa Gutenbergowej uniwersiće w Mainzu, k temje „Pluriliterarne wuknjenje: pohłubšene wuknjenje rěče a předmjety přesahujo – pohłubšene wuknjenske procesy iniciěrować a moderěrować “
Nowa běše world-kofejownja k slědowacym temam:
- Wukubłanje a dalekubłanje za wučerjow
- Witaj – dosahacy zakład za koncept 2plus?
- Dźěło ze staršimi
- Přepruwowanje serbskorěčnych kmanosćow
- Wuměnjenja za přesadźenje koncepta 2plus – teamteaching a skupinske dźěło
W dźěłarničkach zaběrachu so wučerki a wučerjo ze slědowacymi temami:
- Přesadźenje koncepta 2plus w fachowej wučbje a wobchad z rěčnymi zmylkami
- Teamteaching – móžnosće a hranicy
- Mylenja rěčneho wuwića a jich wuskutki na přiswojenje pisomneje rěče w dwurěčnej wokolinje
- Materialije za bilingualnu wučbu za šulerjow a ze šulerjemi nadźěłać
- Gramatika za njebojaznych – rěčne zwučowanja za fachowych wučerjow (nimo předmjeta serbšćiny)
- Pohłubšene wuknjenje a transfer kompetencow we wuknjenskim wobłuku rěč přepytować
- Diferencowanje we wučbje hladajo na rěčnu wšelakorosć
- Pluriliterarne wuknjenje: pohłubšene wuknjenje rěče a předmjety přesahujo – pohłubšene wuknjenske procesy iniciěrować a moderěrować
Fachowy dźeń 2plus wuhotujetej Sakske statne ministerstwo za kultus a Sakska kubłanska agentura Budyšin w kooperaciji z Rěčnym centrumom WITAJ.
