Srjedu, 8. nowembra 2017, zarjadowachmy dalekubłanje za kubłarki k temje „Nowe serbske spěwčki za pěstowarnju a hort“ pod nawodom Leńki Thomasoweje. Jědnaće kubłarkow z dźewjeć wšelakich zarjadnišćow je přeprošenju sćěhowało. Wone zeznachu někotre nowe spěwy za starobnu skupinu wot jednoho lěta do dźesać lět. Při spěwanju dóstachu někotryžkuli nastork k zasadźenju gitary,  rytmiskich instrumentow abo nopaškow.