Dypkownje do šulskeho zastupa wuńdźe nowy wuwity pismikowy memo. Je to rjany dar za małych wotkrywarjow a lubowarjow rěče. Pismikowy memo je wjesoła zaběra z rěču w pěstowarni, zakładnej šuli abo doma w swójbje. Z tutej hru zeznawaja dźěći pismiki serbskeho alfabeta a wuknu pismikam prawy nazwuk přirjadować. Hra hodźi so za dweju abo wjace hrajerjow a wabi k napjatemu pytanju wobrazowych porikow. Wopřijatych je 34 kartkowych porikow. Memo njeskića jenož zabawu, ale spěchuje tež koncentraciju a pomjatk hrajerjow.
Hru móžeće za 12,90 € w Smolerjec kniharni abo w online-wobchodźe Ludoweho nakładnistwa Domowina kupić.
