Poliwku z dźiwim kobołkom a nalětnej rolku, pjelnjenu kokošacu hrudź z rizotom a morcheju a jendźelski trifle-dessert – to nawarichu póndźelu, 10. apryla 20917, wosom dźěći zhromadnje z kucharjom Tomašom Lukašom we Wjelbiku. Mjeztym hižo k 6. razej zarjadowaše redakcija Płomjenja warjenski kurs za swojich čitarjow ze znatym serbskim kucharjom a awtorom receptow w časopisu.
Dźěći profijej pilnje při kraću zeleniny, pjelnjenju kokošacych hrudźow, warjenju pudinga a dalšich dźěłach pomhachu, tak zo je so meni derje radźił a ničo njeje so přismudźiło. K zhromadnej wječeri smědźeše sej kóždy wobdźělnik hišće dwě wosobje přeprosyć, kotrymž mali kucharjo potom jědźe serwěrowachu. Warjenski kurs we Wjelbiku je najwoblubowaniši projekt Płomjenja, za kotryž so kóždolětnje něhdźe 100 dźěći powabi.
