Před 65 lětami dźeržachu serbscy šulerjo prěnje wudaće Płomjenja w rukach. W běhu lět je so tójšto změniło, časopis pak je přiwšěm młody wostał a njemysli dawno hišće na rentu! Składnostnje docpěća wysokeje staroby wjerća so přinoški aktualneho wudaća kołowokoło staroby a wuměnka, a tež Feliks a Florian so prašatej, kajke drje wone je, to rentnarske žiwjenje.
Wězo mamy k narodninam tež myto za was: Pohladajće na druhu stronu, tam móžeće mjenujcy kofejowu jězbu z cyłej rjadownju dobyć.
Časopis dóstanjeće w Smolerjec kniharni w Budyšinje. Skazać móžeće jón w Ludowym nakładnistwje Domowina.
