Project Description

Čitanske wubědźowanje

„Knihi su zastupny lisćik do raja fantazije“, tak rěka moto čitanskeho wubědźowanja za šulerjow, kiž wotměwa so lětnje w Budyskej Smolerjec kniharni.
Wubědźowanje je za šulerjow 3. lětnika serbskich zakładnych šulow resp. zakładnych šulow, kiž po koncepće 2plus wuwučuja.
Zaměr je, šulerjow zahe k čitanju pohnuwać a jim bohatosć serbskeje literatury spřistupnić.
Wšitcy čitaja najprjedy samowuzwoleny tekst, kiž su doma zwučowali, před publikumom. Maćernorěčni serbscy šulerjo čitaja potom hišće dalši – njeznaty – tekst.
Pjećwosobowa jury pod nawodom našeje wědomostneje sobudźěłaćerki wuhódnoći přinoški a mytuje najlěpšich čitarjow.
Čitanske wubědźowanje přewjedźemy z podpěru Ludoweho nakładnistwa Domowina.

« 1 of 2 »