Project Description
Swjedźeń serbskeje rěče
Je hižo z dobrej tradiciju, zo přeprošujemy w septembrje wšitkich šulerjow 4. lětnika, kiž wuknu serbšćinu jako cuzu rěč, na zhromadne dopołdnjo do Radworja. Přez 100 dźěći z hornjołužiskich šulow přińdu na „Swjedźeń serbskeje rěče“. Kóžda šula předstaji so z krótkim serbskorěčnym programom.
Po tym móža so woni na wšelakich stacijach (na přikład: serbske spěwy, reje a literatura, kolesowy parcours, wjesna rallye a druhe hry) wuspytać a wopokazać. W mjezyčasu wuměnja sej wučerki a wučerjo swoje nazhonjenja a dóstanu pokiwy za wučbu. Z mały přikuskom so swjedźeń skónči.
