W Ludowym nakładnistwje Domowina je wušoł dalši zešiwk čitanskeje křinje za zakładnu šulu pod titulom “Ja, ty, my – na so dźiwajmy”. Zestajerjej Štefan Paška a Józef Donat staj znowa po wobsahu pisany čitanski material zezběrałoj.
Kak mjez sobu wobchadźamy? Kak móžemy sej mjez sobu pomhać? Kak nastanu konflikty a zwady a kak tute rozrisamy? W powědančkach a wěcnych tekstach ze žiwjenskeho swěta dźěći móža so wuknjacy ze wšelakimi temami mjezsobneho žiwjenja rozestajić. Lěpšemu zrozumjenju słuži diferencowanje tekstow w třoch schodźenkach runje tak kaž zapołožena dźěłowa přiłoha.
Ilustratorka Karin Konrad je zešiwk bohaće a z posměwkom ilustrowała.
Zešiwk dóstanjeće za 12,90 euro w Smolerjec kniharni abo online pod www.domowina-verlag.de