Kóžde lěto překwapjamy wobdźělnikow rěčnych kursow z adwentnym kalendrom. Po tutym puću podźakujemy so za pilne wuknjenje, přijomnu atmosferu w kursach a kreatiwne zhromadne dźěło. Dokelž so w kursach skerje ze spisownej serbšćinu zaběramy, wuknu šulerjo z kóždym woknješkom wuraz abo sadu z wobchadneje rěče. Tohorunja namakaja w swojim kalendru kóždy dźeń jedyn QR-code, kiž wjedźe jich na onlinowu platformu “taskcards”. Tam steja jim k wurazam a sadam audiodataja kaž tež serbski a němski tekst k dispoziciji.