Wo čim čitamy w Płomjenju? W aktualnym wudaću zhonimy mjez druhim
- wo šulerju SWŠ Ralbicy, kotryž je swój šulski praktikum w Rěčnym centrumje WITAJ wukonjał, kotre nadawki měješe spjelnić a z kotrym začućom je swój praktikum zakónčił,
- zajimawostki kołowokoło lodohokeja, kiž so we Łužicy hižo wot lěta 1932 hraje,
- što su mali kucharjo-dobyćerjo zhromadnje z kucharjom Wjelbika dobreho nawarili a swojim swójbnym serwěrowali,
- kotry wuznam ma 1471 w Nürnbergu narodźeny Albrecht Dürer jako wuměłc, pućowacy a matematikar
- a před čim maja hólcy a holcy Radworčan zakładneje šule najwjetši strach.
