Didaktiski material za kubłarki a kubłarjow
Rjadowak wopřija mnohostronsku zběrku materiala za dźěło z dźěćimi w dźěćacych dnjowych přebywanišćach k temje „lěs“. Zakład tworja doporučenja za cyłkownje 11 zaběrow w lěsu a wo nim, wobkedźbujo při tym stajnje tež rěčnokubłanski aspekt. Wobšěrna přiłoha wobsahuje słowne lisćiny, spěwy – k tomu tež nahrawanja –, basnje, porstowe hry a molowanske hrónčka, dźiwadłowe scenki, hry a hódančka, powědančka a wobrazowy material. Při tym jedna so zdźěla wo nowotwórby, zdźěla wo hižo wozjewjene přinoški z časopisa „Lutki“.
Wosebitosć rjadowaka je, zo je dwurěčnje zapołoženy: Didaktiske doporučenja předleža serbsce a němsce, k spěwam a druhim tekstam su so dwurěčne słowne lisćiny spřihotowali. Wotpohlad je, z tym wosebje serbsce wuknjacym kubłarkam a kubłarjam přihoty na jich rěčnopedagogiske dźěło z dźěćimi wolóžić.
wudawaćel: Domowina z. t. – Rěčny centrum WITAJ
rjadowak A4 · 166 stron · 10,00 €
redakcija: Gunda Heyderowa
adapcija, přełožki: Jadwiga Kaulfürstowa
skaz. čo.: P-0/340/24
dóstanjeće přez RCW
