Jako wudospołnjacy material za předmjet serbšćina w zakładnej šuli je wušoł čitanski dźenik ke knize “Kak su wroblik Frido a jeho přećeljo sroki pjekli”. Zešiwk wobsahuje lóštne nadawki a zwučowanja k dźěćacej knize wot Jěwy-Marje Čornakec. Z pomocu zešiwka nawuknu šulerjo wobsah knihi zasopodać, wažne informacije spóznać a wupytać a swójske hódnoćenje formulować. Wudospołnjacy material ma wučerjej wažna pomoc we wučbje być při spěchowanju čitanskeje kompetency.
Čitanski dźenik je za škitnu płaćiznu 2,00 € w Rěčnym centrumje WITAJ w Budyšinje na předań.
