K nowemu šulskemu lětu je wušła nowa serbska wučbnica biologije “Biosfera 5” za šulerjow 5. lětnikow gymnazijow w Sakskej. Je to licencne wudaće nakładnistwa Cornelsen a serbska prěnička w tutym rjedźe.
Biosfera 5 wabi do zaběry z maćiznu a šulerjo změja zawěsće wjele wjesela při nałožowanju dźěłowych metodow. Wučerjej Rejza Šěnowa a Konrad Lipič staj wučbnicu wěcywustojnje do serbšćiny přełožiłoj a při tym ze swojich wjelelětnych nazhonjenjow z fachoweje wučby biologije čerpałoj. Nadrobnje móžeće wo wučbnicy tež w 3. čisle Serbskeje šule čitać.
„Biosfera 5“, skazanske čisło 5/123/23-1A, je za 20,75 € w Smolerjec kniharni w Budyšinje na předań. Dóstanjeće wučbnicu pak tež přez online-wobchod Ludoweho nakładnistwa Domowina.
