Skónčnje je tak daloko! Dalša nowa Płomjo-edicija je wušła – “Maks a Ambrož”. Kniha wobsahuje 32 krótkich stawizničkow awtorki Andreje Chěžcyneje kołowokoło božeho słónčka Ambroža a psa Maksa. Hačrunjež njejstaj so na spočatku scyła čuć móhłoj, staj so wulki psyk a mały bruk w běhu časa jara derje spřećeliłoj. Maks a Ambrož so drje husto wadźeštaj, ale dyrdomdeje, kotrež hromadźe dožiwištaj, běchu ćim rjeńše.
Knihu dóstanjeće za 9,90 € w Smolerjec kniharni abo přez online-shop Ludoweho nakładnistwa Domowina.
