Wo čim čitamy w Płomjenju? W aktualnym wudaću zhonimy mjez druhim,
- što šulerjo 4. lětnika spočatk julija we Wojerecach dožiwichu, jako so na projekće “Zetkanje šulerjow ze Zejlerjom a Kocorom” wobdźělichu,
- zo wunamakachu so srjedź 18. lětstotka prěnje mechaniske mašiny a kak je so swět přez nje změnił,
- kak móhli sej w prózdninach jónu pjelnjenju papriku z couscousom a tomatu přihotować a zesłodźeć dać,
- wo žiwjenju wuznamneje žony Sabine Ball, kotraž bě měnjenja, zo lubuje Bóh kóždeho čłowjeka a zo zamóže w kóždym čłowjeku to dobre zbudźić – w kóždym, a
- wo cybergroomingu a kak mamy so zadźeržeć, hdyž nam cuzy měd wokoło huby maza.
