Jako wudospołnjacy material za předmjet serbšćina w zakładnej šuli je wušoł Zešiwk małych detektiwow. Zešiwk wobsahuje lóštne nadawki a zwučowanja k dźěćacej knize Dyrdomdeje na wsy wot Štefana Paški. Z pomocu zešiwka nawuknu šulerjo wobsah knihi zasopodać, wažne informacije spóznać a wupytać a swójske hódnoćenje formulować. Zešiwk małych detektiwow je wučerjej wažna pomoc we wučbje při spěchowanju čitanskeje kompetency.

Zešiwk je za škitnu płaćiznu 2,50 € w Rěčnym centrumje WITAJ w Budyšinje na předań.