Po tym zo stej zašłe šulske lěto Łuskač 1 a 4 wušłoj, předleži w rjedźe licencnych wudaćow nakładnistwa Klett nětko wučbnica matematiki za 3. lětnik – Łuskač 3. Něhdyša wučerka Ralbičanskeje serbskeje zakładneje šule (nětko wuměnkarka) Weronika Statnikowa je wučbnicu do serbšćiny přełožiła. K tomu eksistuje zaso wotpowědny dźěłowy zešiwk, kotryž wuńdźe tež hišće dypkownje k nowemu šulskemu lětu w serbšćinje.
Natwar wučbnicy je rozrjadowany po zwučenym wašnju kaž we Łuskaču 1 a 4 do třoch wobłukow:
- wobłuk: Zakładna strona.
Šuler/ka dóstanje na jednanje orientowany zastup do maćizny. Nowu wědu móže na zakładźe wobšěrneho poskitka wšelakorych nadawkow zwučować. Nadawki su jasne diferencowane ze zakładnymi, ćešimi a wosebje ćežkimi nadawkami. Dźěćom stajnje po boku je rapak Traks jako motiwowacy wuknjenski přewodnik.
- wobłuk: Wospjetowanje.
Tu pokaza šuler/ka, što je nowe nawuknył/a a što hišće móže. Wón/Wona skrućuje zakładnu wědy z pomocu zwučowanjow a wospjetowanjow.
- wobłuk: Hłowu trenować.
Tu móže šuler/ka sej hłójčku łamać, rozmyslować a hrać.
Wučbnica je za 18,95 € w Smolerjec kniharni w Budyšinje na předań. Dóstanjeće ju pak tež přez online-wobchod Ludoweho nakładnistwa Domowina.