W runje wušłym 4. čisle Serbskeje šule 2018 čitaće
- kak hodźi so kwalita serbskorěčneho kubłanja dźěći w pěstowarni stopnjować,
- kotre serbske internetne strony su za wučerjow zajimawe a na kotre wašnje hodźa so wone wužiwać,
- što je rěče přesahowace wuknjenje.
Rozprawjamy mj. dr. wo parkurje chcyćiwosće, kotryž je so na Serbskej wyšej šuli we Worklecach přewjedł, předstajimy nadawki we wobłuku mobilneho młodźinskeho dźěła bliže a podawamy zaso wjacore dźěłowe łopjena za serbšćinu a fachowu wučbu. Nimo toho stej wučbnej metodźe šachoweho pola a stejneho wobraza kaž tež jeju nawod za wužiwanje w krótkej formje wopisowanej.
Wjele wjesela při čitanju!
