Jako nowy nazorosrědk k wuwiću ličboweho zapřijeća w matematice předleža nětko “Ličbowe woknješka wot 0 do 20”. Wone maja spomjatkowanje ličbow a ličenje w ličbowym rumje do 20 wizuelnje podpěrać.
Kóžda ličba so we woknješku na wšelake wašnje předstaji – jako cyfra, jako mnóstwo z pomocu barbneje ilustracije, w kóstkowym kaž tež dypkowym wobrazu. Na tute wašnje móža sej dźěći na za sebje najpřihódniše wašnje zwisk mjez ličbu, mnóstwom a ličbowym rjadom derje wotkryć a spomjatkować.
Přidatne impulsy ke kreatiwnemu nałožowanju materiala we wučbje dóstanu wučerki a wučerjo z hrajnych namjetow we wobalce.
Material dóstanjeće w Smolerjec kniharni w Budyšinje. Móžeće jón tež přez online-wobchod Ludoweho nakładnistwa Domowina skazać.
