19 šulerjow 3. a 4. lětnika sćěhowaše přeprošenju na 11. serbsku čitansku nóc dnja 2./3. junija 2017. W Dźiwadle na Hrodźe wočakowaše jich pisany a zabawjacy program. Tak dožiwichu probu lětušeho lěćneho dźiwadła a wuspytachu so z klankarku sami w dźiwadźelenju. Najbóle pak so wjeselachu, hdyž smědźachu skónčnje swoje najlubše knihi předstajić a z nich předčitać.
Serbska čitanska nóc je kooperaciski projekt Rěčneho centruma WITAJ a Němsko-Serbskeho ludoweho dźiwadła.
