We wobrazowej stawiznje noweho wudaća Lutkow wulećitaj sej Witko a Julka do Njeswačidła. Tam wobhladataj sej hród a park. Při tym zhonitaj, zo chowa drje so w pincy hroda korejta z ryzy złota … Ale kajki pozadk wěcka ma?

Pod nadpismom “Swójska zahoritosć za serbšćinu so na dzěći přenjese” rozprawja DOMOJnica Daniela Persickowa, kotraž je kubłarka w Čornochołmčanskej pěstowarni, wo swojim poćahu k serbšćinje a čehodla w intensiwnym kursu swoje serbskorěčne znajomosće wukmanja.

Dale předstaji so Staršiska iniciatiwa Radwor z. t., wo kotrejž hodźi so po šěsć lětach skutkowanja rjec, zo přinošuje z wulkim angažementom k zachowanju a hajenju serbšćiny w Radworskej gmejnje.

Lutki wudospołnja 3. dźěl memo-hry “Serbske nałožki”.

„Rěči da w Slepom hišće něchtó serbsce?“ Štóž so tak praša, njech přinošk našeho rěčneho docenta Mareka Krawca w aktualnym wudaću za kubłarki a kubłarjow čita.