Je hižo z dobrej tradiciju, zo so tež serbske kubłanišća na zwjazkowym předčitanskim dnju, kotryž přewjedźe so lětsa k 22. razej, wobdźěla. We wjacorych zakładnych šulach a pěstowarnjach so dźěćom ze serbskich knihow stawizny, bajki abo powěsće serbsce předčitachu. Předčitanje spěchuje mjez dr. koncentraciju, fantaziju a rěčne wuwiće.
Kaž tu w ZŠ Wojerecy , hdźež předčita naša kolegina Weronika Butendeichowa, wjeselachu so mjez druhim we Bošecach, Bukecach, Radworju, Wulkich Zdźarach, Chrósćicach a Budyšinje přez serbski wopyt. Zhromadne spěwanje, rěčne hry abo sceniske hraće pohłubšichu rozestajenje z wobsahom a spěchuja zrozumjenje.
