Srjedź nowembra je dźěłowy zešiwk z dźěłowymi łopjenami ke knize “Mała wjera” wušoł. Jedna so wo ryzy serbske dźěłowe łopjena, kotrež je Lubina Hajduk-Veljkovićowa za zakładnu šulu (3./4. lětnik) kaž tež za wyšu šulu a gymnazij (5. lětnik) wuwiła. Nadawki su jasnje diferencowane. Tuž hodźa so za rozdźělne rěčne znajomosće a wuknjenske niwowy. Zdobom skića zajimawu zaběru z rěču. Zešiwk wobsahuje wulki wuběr nadawkow, z kotrychž móže sej wučer resp. wučerka wěste ćežišća wuzwoleć a wotpowědne nadawki sam/sama zestajeć, na přikład jako mały zešiwk. Dźěłowe łopjena móža so jako pdf-ka abo word-dokument na našej internetowej stronje downloadować. Na kóncu dźěłoweho zešiwka nadeńdźeće rozrisanja k nadawkam, kotrež su tohorunja digitalnje přistupne.
Nimo toho předleža dźěłowe łopjena jako dataje z listowacej funkciju za dźěło na elektroniskich taflach pod www.materialien.sorbischlernen.de.
Zešiwk w A4-formaće je w Rěčnym centrumje WITAJ za 5 € na předań.
