W Ludowym nakładnistwje Domowina je wušoł dalši zešiwk čitanskeje křinje za zakładnu šulu pod titulom “Naši kuzłarjo rěče”. Znowa staj zestajerjej Štefan Paška a Józef Donat zajimawy čitanski material zezběrałoj. W srjedźišću steji dźěćaca literatura serbskich spisowaćelkow a spisowaćelow kaž na přikład Hańže Bjeńšoweje, Jurja Brězana, Beaty Nastickec abo Marje Krawcec. Lěpšemu zrozumjenju słuži diferencowanje tekstow w třoch schodźenkach runje tak kaž zapołožena dźěłowa přiłoha. Čitansku křinju je Štefan Hanuš na jara žiwe wašnje ilustrował.
Zešiwk dóstanjeće za 12,90 eurow w Smolerjec kniharni abo w online-wobchodźe Ludoweho nakładnistwa Domowina.
