Za šulerjow 7. a 8. lětnika na wyšich šulach w Sakskej předleži k nowemu šulskemu lětu nowa serbska wučbnica za katolsku nabožinu “Žiwjenje wobohaćić 2”. Jedna so wo licencne wudaće nakładnistwa Klett.
Nowa kniha wobsahuje 9 kapitlow k sćěhowacym temam: 1 Mój Božo – tak njemóže to dale hić! Profetiscy čłowjekojo, 2 Za koho maće mje wy? – Jězusa zrozumić spytać, 3 Biblija – (mój) kompas?, 4 Wobrazy wo Bohu, 5 Cyrkwinske stawizny we wobrazach a słowach, 6 Wuknyć jedyn druheho zrozumić – wot reformacije k ekumenje, 7 Abrahamowske nabožiny w dialogu, 8 Móc – směć – dyrbjeć? Dorosćeny so stać, 9 Na zbožo!
Z wučbnicu Žiwjenje wobohaćić 2 předleži nowy, moderny material za šulerjow a wučerjow. Nowa kniha, ze skazanskim čisłom 7/97/25-1A, je za 23,95 € w Smolerjec kniharni w Budyšinje na předań. Dóstanjeće material pak tež přez online-wobchod Ludoweho nakładnistwa Domowina.
