Wušła je nowa wučbnica za předmjet serbšćina (maćernorěčny niwow) za 7. lětnik serbskich wyšich šulow a Serbskeho gymnazija. Wučbny material je so porno předchadźacemu sylnje předźěłał – wobsahi, teksty, ilustracije a fota su so wuměnili resp. aktualizowali. Pomjatne kašćiki a gramatiske pojednanja su so nowej “šulskej gramatice” (Gramatika. Tabulki a přehlady za wučbu serbšćiny) přiměrili. Wšelake přehlady (na př. njekongruentne formy adjektiwow) su so dodali.
Kniha ma wobjim 230 stronow a je za 19,90 € w Smolerjec kniharni w Budyšinje a w online-wobchodźe Ludoweho nakładnistwa Domowina na předań.
