We wučbnicowym rjedźe „Wuknu serbsce / Zwučuju serbsce“ je wušoł sylnje předźěłany dźěłowy zešiwk za 8. lětnik za předmjet serbšćina jako cuza rěč. W zešiwku smy wobsahi aktualizowali a dźensnišim žadanjam wučbneho plana přiměrili. To potrjechi wosebje lekcije, w kotrychž so wo aktualnych podawkach rěči, so žiwjenje wosobinow předstaja abo so načasne temy narěča. Hłowne lekcije dźěłoweho zešiwka smy wobchowali, tak zo koresponduje zešiwk dale z wučbnicu.
„Zwučuju serbsce 8“ je za 8,90 € w Smolerjec kniharni w Budyšinje na předań. Dóstanjeće zešiwk pak tež přez online-wobchod Ludoweho nakładnistwa Domowina.
