We wobrazowej stawiznje aktualneho wudaća Lutkow wopyta Witko swoju ćetu Lenu w dalokej Awstralskej. Wona dźěła tam jako skótna lěkarka w chorowni za koalow. Awstralska je za Witka přewšo zajimawa, wšako widźi tam na južnej połkuli zemje w přirodźe rostliny a zwěrjata, kotrež móžemy tu pola nas jenož w zwěrjencu wobdźiwać.
Awtorka stawizny je Franciska Hauptmannowa. Wona je so w prěnim kursu DOMOJ-projekta intensiwnje ze serbskej rěču zaběrała. Wo swojej motiwaciji, swojich nazhonjenjach a dožiwjenjach rozprawja w 2. dźělu Lutkow.
Kubłarki a kubłarjo dóstanu w swojim zešiwku didaktiske namjety ke kamishibai-stawiznje “Pilne, sylne mrowički”.
