Wo čim čitamy w Płomjenju? W aktualnym wudaću zhonimy mjez druhim
- wo Ötziju – mužu z loda, kotryž je jedna z najznaćišich mumijow swěta,
- kak móžeš sej jelenja z drjewa paslić, kotrehož móžeš sej jako pychu na blido, woknowu desku abo před chěžine durje stajić,
- recept za Štyrske skibki – tradicionelne hodowne pječwo z Awstriskeje,
- wo žiwjenju Elvisa Presleyja, kotryž bě měnjenja “Hódnoty su kaž wotćišće porstow: nichtó nima samsne a zawostajiš je při wšěm, štož činiš”
- a dalše zajimawostki wo galaksijach.
Dohodowna přiłoha je tónraz comicowy zešiwk. A to nic prosće někajki zešiwk z comicsami, ale TÓN zešiwk z myšku Micky Maus, kačorom Donaldom, psom Goofyjom a wšitkimi dalšimi wobydlerjemi comicoweho městačka Entenhausena – wězo serbsce!
Tuž wjele wjesela při čitanju a listowanju a žohnowane hodowne swjate dny!
