Wo čim čitamy w Płomjenju? W aktualnym wudaću zhonimy mjez druhim,
- kak dołho wotpadki oceany a morja poćežuja,
- kak su so šulerki a šulerjo něhdyšeje rjadownje 4a Wojerowskeje zakładneje šule “Handrij Zejler” ze swojej šulu rozžohnowali,
- tójšto wědźenja hódneho kołowokoło pjenjez a kelko kapsnych pjenjez Němski młodźinski institut za šulerki a šulerjow doporučuje,
- zo je jedna z najwoblubowanišich socialnych syćow, ameriska online-platforma YOUTUBE, mjeztym nimale połnolětna a
- w basni “Kak da tón wupada?!” kak wšelakore ludźo su a kak pisane je přez to žiwjenje.
Wjeselić směće so nimo toho na kóstkowu hru “Pismikowa poliwka”, při kotrejž dyrbiće drje hłójčku napinać, při hraću z přećelemi abo swójbnymi pak lóštnu zabawu změjeće.
