Dźěći za čitanje zahorić, zajim zbudźić samostatnje čitać je nadawk čitanskeho materiala, kotryž ma w přichodnych lětach krok po kroku w RCW wuńć. Kłobuk za nadźěłanje noweho čitanskeho materiala, Čitanskeje křinje, staj sej jako zestajerjej Štefan Paška a Józef Donat stajiłoj. Prěni zešiwk křinje nětko předleži. Pod titulom “Čitanje pućujo po šćežkach wotkrywać” je dohromady 11 čitanskich šćežkow a pućow zjatych. Kóžda šćežka zahaji so z wulkej čitanskej kartu. Jej sćěhuje tekst, kotryž poskići so wuknjacym we wšelakich stopjenjach ćežkosće. Zakładny tekst je złóžkowany a krótki, tak zo hodźi so šćežce poměrnje lochce sćěhować. W naročnišich tekstach je wobsah rozšěrjeny. Tu maja wuknjacy přez dokładne čitanje bytostne informacije z teksta wučitać, zo bychu šćežce prawje slědowali. Wězo dóstanu pokiw, hdyž su so na šćežce zabłudźili. Štefan Hanuš je material barbnje ilustrował.
Zešiwk dóstanjeće za 12,90 euro w Smolerjec kniharni abo w online-wobchodźe Ludoweho nakładnistwa Domowina.
Přejemy wšitkim šulerkam a šulerjam wjele wjesela při wotkryću čitanskich šćežkow.
