Pjatk a sobotu, 22./23.09.2023, přewjedźeštej so pod wuměłskim nawodom znateho ilustratora Stefana Hanuša comicowej dźěłarničce. 25 serbskich šulerjow, mjez druhim ze Smječkec, Radworja, Konjec, Chrósćic a Njebjelčic, zetkachu so w domje Jurja Brězana w Hornim Hajnku. Tam zawjedźechu so do potajnstwa rysowanja comicsow a wuspytachu so sami při rysowanju mjezwočow, figurow a jednorych scenow. Wosebita atmosfera w dźěłarni spisowaćela skići rjany ramik při tworićelskim dźěle. W přirodźe zwonka domu so šulerjo wšelakich kubłanišćow zhromadnje zabawjachu a zeznachu.
Comicowa dźěłarnička 2023
By obersorb|2023-09-28T15:08:13+00:00September 28th, 2023|Uncategorized @sb|Kommentare deaktiviert für Comicowa dźěłarnička 2023