Za šulskich nowčkow předleži nětko nazwukowa tabulka za słuchopisak BOOKii. Wona wudospołnja “Našu fiblu” a přewodźa dźěći při nawuknjenju pismikow. Při kóždym nazwuku so wotpowědnje zawjedźenju jednotliweho pismika słowo přez BOOKii-pisak wothrawa. To je wosebje dźěćom a staršim, kotřiž serbšćinu hakle wuknu abo njewobknježa, dobra pomoc při nawuknjenju praweho wurjekowanja słowa. Z pomocu dweju hrow móža wuknjacy nawuknjene pismiki na zabawne wašnje wospjetować. Dale hodźi so spěw “Ja sym sowa Zala” z pomocu słuchopisaka wothrawać.
Přejemy wšitkim šulskim nowačkam wjele wjesela a wuspěcha při nawuknjenju pismikow.
Nazwukowu tabulku dóstanjeće za 1 euro w Smolerjec kniharni abo přez online-wobchod Ludoweho nakładnistwa Domowina.
