Wo čim čitamy w Płomjenju? W aktualnym wudaću zhonimy mjez druhim,
- zo wari rubježnik Rumbo wobjed ze słónčnej milinu a kotre lěpšiny to ma,
- wo čitanskej mini-turneji z awtorku Andreju Chěžcynej, kotraž je nowu Płomjo-ediciju “Maks a Ambrož” šulerkam a šulerjam w Radworju, Chrósćicach a Pančicach-Kukowje předstajiła a zo hodźi so kniha zawěrno derje jako prózdninska lektura,
- zajimawe fakty wo najznaćišej klance swěta – Barbie, kotraž je so hižo 1959 narodźiła a kotruž mjeztym w 150 krajach swěta předawaja,
- kak pasli pčołka Pawlina pyšny parličkowy měsačk z mušlemi, kotrež móžeš w dowolu při morju hromadźić a
- wo nowej wustajeńcy “Čej´ da sy”, kotraž je hač do oktobra w Serbskim muzeju přistupna a hdźež namaka zajimowany wopytowar wotmołwy na prašenja kaž: Čehodla swjećimy nałožki? Kotra rěka zwjazuje našu kónčinu? Što mysli młodźina? Je tu wšitko super abo su tež problemy? Kak stare su naše wosady? Kak budźe Łužica w lěće 2050 wupadać?
